IRA

[Hingkod nga Asno].

1. Usa ka Jairhanon nga gitala lakip sa pangunang mga opisyal ni Haring David ingong “saserdote ni David.” (2Sa 20:26) Si Ira lagmit usa ka kaliwat ni Jair nga gihisgotan sa Numeros 32:​41, ug busa, niini nga kahimtang ang pagtawag kaniya nga “saserdote” hayan nagpasabot ug “pangulong ministro,” “prinsipe.” Walay pamatuod sa Bibliya nga ang mga Jairhanon maoy mga Levihanon. Hinunoa, kon eksakto ang mabasa sa Syriac nga Peshitta, si Ira lagmit usa ka saserdote gikan sa Levihanong siyudad sa Jatir (Jathir).​—Itandi ang 2Sa 8:18; 1Cr 6:57; 18:17.

2. Anak nga lalaki ni Ikes nga Tekoahanon; usa sa gamhanang mga tawo sa kasundalohan ni Haring David.​—2Sa 23:​24, 26; 1Cr 11:​26, 28.

3. Usa ka Itrihanon; lain pang sakop sa gamhanang mga tawo ni Haring David.​—2Sa 23:38; 1Cr 11:40.