JAIRO

Usa ka nagadumalang opisyal sa sinagoga (lagmit sa Capernaum) kansang bugtong nga anak nga babaye gibanhaw ni Jesus.​—Mat 9:18; Mar 5:22; Luc 8:​41, 42.

Niadtong hinapos sa 31 o sa sayong bahin sa 32 K.P., sa dihang ang 12-anyos nga anak nga babaye ni Jairo nasakit pag-ayo nga tungod niana siya gituohang mamatay, ang iyang amahan nangita kang Jesus, mihapa sa iyang tiilan, ug nangaliyupo kaniya nga moadto ug ayohon ang bata sa dili pa ulahi ang tanan. Samtang gidala si Jesus ngadto sa iyang balay, tinong si Jairo nadasig sa hilabihan sa pagkakita nga giayo ni Jesus ang usa ka babaye nga gitalinug-an sulod sa 12 ka tuig. Apan pagkamakapasubo nga mabalitaan gikan sa mga mensahero nga ang iyang batang babaye patay na! Bisan pa niana, si Jesus nagdasig kang Jairo nga dili mahadlok, hinuon magpasundayag ug pagtuo. Miagi taliwala sa nagkaguliyang nga mga tawong nagbangotan nga nagyubit ug nagbiaybiay sa giingon ni Jesus nga ang bata natulog lamang, si Jairo, ang iyang asawa, ug tulo ka apostoles miuban kang Jesus sa sulod, diin gipasig-uli ni Jesus ang kinabuhi sa batang babaye. Ingon sa angayng dahomon, si Jairo ug ang iyang asawa “nalipay pag-ayo.”​—Mar 5:21-43; Mat 9:18-26; Luc 8:41-56.