JARMUT

[gikan sa lintunganayng pulong nga nagkahulogang “mahimong hataas (binayaw)”].

1. Usa sa lima ka siyudad sa mga Amorihanon nga misulay sa pagsulong aron silotan ang mga Gabaonhon. Ang hari niini nga si Piram ug ang iyang mga kaalyado gipildi ni Josue. Human niadto kini nga siyudad sa Sepela gihatag ngadto sa Juda. (Jos 10:3-5, 23-25; 12:​7, 11; 15:​20, 33, 35) Human sa pagkadestiyero didto sa Babilonya, ang mga Judeanhon namuyo pag-usab sa Jarmut. (Neh 11:​25, 29) Ang Khirbet Yarmuk (Tel Yarmut), mga 26 km (16 mi) sa KHK sa Jerusalem, mopatim-awng mao ang karaang nahimutangan niini. Kay nahimutang sa tumoy sa bungtod, malantaw gikan niini ang kapatagan daplin sa baybayon hangtod sa Gaza duol sa Dagat Mediteranyo.  

2. Usa ka siyudad sa Isacar nga gihatag ngadto sa mga Gersonhon. (Jos 21:27-29) Gituohang kini mao ra usab ang Ramot (1Cr 6:73) ug Remet.​—Jos 19:21; tan-awa ang RAMOT Num. 1.