JASOBEAM

[lagmit, Ang Katawhan Namalik].

1. Usa ka Korehanong manggugubat nga miduyog sa kasundalohan ni David didto sa Ziklag. (1Cr 12:​1, 6) Lagmit mao ra usab ang Num. 2.

2. Ang pangulo sa tulo ka labing talagsaon nga gamhanang mga tawo ni David. Si Jasobeam migamit sa iyang bangkaw sa pagbuntog sa pipila ka gatos sa mga kaaway ug siya usab ang usa sa tulo nga mipugos pagsulod sa kampo sa mga Filistehanon aron sa pagkuha ug tubig alang kang David gikan sa atabay sa Betlehem. (1Cr 11:​11, 15-19) Sa paglabay sa panahon, si Jasobeam gitudlo nga pangulo sa unang binulan nga dibisyon nga may 24,000 ka tawo. (1Cr 27:​1, 2) Siya maoy anak nga lalaki ni Zabdiel; usa ka Hakmonhon. Ang iyang ngalan giespeling nga Joseb-basebet sa 2 Samuel 23:8.​—Tan-awa ang JOSEB-BASEBET.