JESUS

[Ang Lat. nga pulong sa Gr. nga I·e·sousʹ, nga katumbas sa Heb. nga Ye·shuʹaʽ o Yehoh·shuʹaʽ ug nagkahulogang “Si Jehova Maoy Kaluwasan”].

Ang Hudiyong historyador nga si Josephus sa unang siglo K.P. naghisgot ug mga 12 ka tawo nga nagbaton sa maong ngalan, gawas nianang anaa sa talaan sa Bibliya. Makita usab kini diha sa Apokripal nga mga sinulat sa kataposang mga siglo sa W.K.P. Busa mopatim-aw nga kini maoy komon nga ngalan nianang yugtoa.

1. Ang ngalang I·e·sousʹ makita diha sa Gregong teksto sa Buhat 7:45 ug Hebreohanon 4:8 ug nagtumong kang Josue, ang pangulo sa Israel human sa kamatayon ni Moises.​—Tan-awa ang JOSUE Num. 1.

2. Usa ka katigulangan ni Jesu-Kristo, dayag nga sa linya sa iyang inahan. (Luc 3:29) Sa pipila ka karaang mga manuskrito ang mabasa dinhi maoy “Jose(s).”​—Tan-awa ang TALAAN SA KAGIKAN NI JESU-KRISTO.

3. Si Jesu-Kristo.​—Tan-awa ang JESU-KRISTO.

4. Usa ka Kristohanon, nga dayag nga usa ka Hudiyo, ug isigkamagbubuhat ni Pablo. Gitawag usab siya ug Justo.​—Col 4:11.