JOZACAR

[Nahinumdom si Jehova].

Usa ka alagad ni Haring Jehoas sa Juda. Siya ug ang iyang kauban nga si Jehozabad nagpatay sa ilang magmamando agig panimalos sa kamatayon ni Zacarias ug lagmit sa uban pang mga anak nga lalaki sa Hataas nga Saserdoteng si Jehoiada. Apan, ang anak nga lalaki ni Jehoas ug manununod nga si Amazias, sa baylo, nanimalos sa kamatayon sa iyang amahan pinaagi sa pagpatay kang Jozacar ug sa iyang kakunsabo. Si Jozacar maoy anak nga lalaki ni Simeat nga usa ka babayeng Ammonhanon. Gitawag usab siya nga Zabad.​—2Ha 12:​20, 21; 2Cr 24:20-22, 25-27; 25:​1, 3.