BIYOOS

Usa ka pangdayandayan nga bahin sa tangkawan nga bulawan nga gigamit diha sa tabernakulo; ang Hebreohanong pulong niini maoy kaph·tohrʹ, o kaph·torʹ, nga dayag nga nagtumong sa usa ka linginong bugdo nga bahin sa tangkawan. (Ex 25:31-36; 37:17-22) Kini nga “mga biyoos” nagsal-angsal-ang sa gidayandayan nga mga bulak sa pangunang lindog ug diha sa matag usa sa unom ka sanga sa tangkawan. Ang pipila sa mga biyoos napormag daw nagsiwil nga sangga alang niini nga mga sanga. Kini makita diha sa tangkawan ingon sa gihulagway sa kinulit diha sa Arko ni Tito (sa Roma), diin ang Romanong mga sundalo gipakita nga nagdalag mga inagaw gikan sa templo sa Jerusalem nga nalaglag niadtong 70 K.P.