LAMI

[Akong Tinapay].

Ang igsoong lalaki ni Goliat nga Gitihanon. Ang asoy sa 1 Cronicas 20:5 sa bahin mabasa, “si Elhanan nga anak nga lalaki ni Jair nagpatay kang Lami nga igsoong lalaki ni Goliat nga Gitihanon,” sa usa ka pagpakiggubat sa mga Filistehanon. Apan, ang mabasa sa katumbas nga teksto sa 2 Samuel 21:19 mao kini: “Si Elhanan nga anak nga lalaki ni Jaare-oregim nga taga-Betlehem nagpatay kang Goliat nga Gitihanon.” Sa ulahing teksto mopatim-aw nga ang ʼeth-lach·miʹ (sa Cebuano, “Lami,” ang Hebreohanong pulong nga ʼeth yanong nagpasabot nga ang Lami mao ang gipunting sa berbo) nasaypan pagbasa sa magkokopya ingong behth hal·lach·miʹ (“taga-Betlehem”). Busa ang orihinal lagmit mabasa, “nagpatay kang Lami,” ingon sa mabasa sa katumbas nga teksto sa 1 Cronicas 20:5. Kini maghimo nga magkaharmonya ang duha ka teksto niining puntoha. Nan, dayag nga si Lami mao ang igsoong lalaki ni Goliat nga gipatay ni David. Sa laing bahin, posible usab nga dihay duha ka Goliat.​—Tan-awa ang GOLIAT.