Watchtower ONLINE NGA LIBRARYA
Watchtower
ONLINE NGA LIBRARYA
Cebuano
  • BIBLIYA
  • PUBLIKASYON
  • MGA TIGOM
  • it-2 “Imperyo sa Babilonya”
  • Imperyo sa Babilonya

Walay video nga available.

Sorry, dunay problema sa pag-load sa video

  • Imperyo sa Babilonya
  • Pagtugkad sa Kasulatan, Tomo 2
  • Susamang Materyal
  • Babilonya
    Pagtugkad sa Kasulatan, Tomo 1
  • Gamhanang Babilonya—Ang Ikatulong Dakong Gahom sa Kalibotan
    Ang Bantayanang Torre Nagapahayag sa Gingharian ni Jehova—1988
  • Ipaubos ni Jehova ang Usa ka Hambogirong Siyudad
    Tagna ni Isaias—Kahayag Alang sa Tibuok Katawhan I
  • Bakak nga Relihiyon—Nakita Nang Daan ang Makapahinuklog nga Kataposan Niini
    Tagna ni Isaias—Kahayag Alang sa Tibuok Katawhan II
Uban Pa
Pagtugkad sa Kasulatan, Tomo 2
it-2 “Imperyo sa Babilonya”

FEATURE

Imperyo sa Babilonya

ANG Babilonya sa pagkatinuod maoy usa ka dako kaayo nga siyudad​—nga may tag-as nga mga paril, Agianan sa Prosesyon niini, bantog nga Nagbitay nga mga Tanaman, ug kapin sa 50 ka templo.

Sayo pa kaayo sa kasaysayan sa tawo, ang Babel (sa ulahi ginganlan ug Babilonya) nahimong usa ka prominenteng sentro sa pagsimba nga nakigbatok sa matuod nga Diyos, si Jehova. (Gen 10:​9, 10) Gipakyas ni Jehova ang katuyoan sa mga magtutukod niini pinaagi sa paglahugay sa pinulongan sa katawhan ug sa pagpatibulaag kanila gikan didto ngadto sa tibuok yuta. (Gen 11:4-9) Busa ang bakak nga pagsimba mikaylap gikan sa Babilonya ngadto sa ubang kayutaan.

Ang pagpakigbatok sa Babilonya kang Jehova sa kataposan mitultol sa pagkapukan niini. Diha sa tagna, gihulagway ni Jehova ang Babilonya ingong usa ka leyon nga may mga pako sa agila; gitagna usab niya nga kini mapukan ug sa ulahi mahimong awaaw. Niadtong Oktubre 5, 539 W.K.P., sa usa lamang ka gabii, ang Babilonya nailog ni Ciro nga Bantogan, kinsa ginganlan diha sa tagna ni Jehova. Ang Babilonya napukan sumala gayod sa gitagna. Sa kataposan ang siyudad nahimong “tinapok sa mga bato,” nga dili na pagatukoron pag-usab.​—Jer 51:37; tan-awa ang Isa 44:27–​45:2.

PANGUNANG MGA SIYUDAD

Babilonya: Ang politikanhon ug relihiyosong kaulohan sa imperyo; dinhi nanimuyo kaniadto ang daghang nadestiyero nga mga Hudiyo

Tema: Lagmit ang ikaduhang kaulohan nga gitukod ni Haring Nabonido, kinsa nagpiyal kang Belsazar sa pagdumala sa Babilonya

Nineve: Kaulohan sa Asirya, nga napukan sa magkaabin nga mga Caldeanhon ug mga Medianhon niadtong 632 W.K.P.

Carkemis: Dinhi gipildi ni Nabucodonosor II ang Ehiptohanong kasundalohan, nga nag-establisar sa paggahom sa Babilonya diha sa Sirya

Jerusalem: Nahimong tighatag ug tributo sa Babilonya niadtong 620 W.K.P. Gilikosan sa Babilonyanhong kasundalohan niadtong 618-617 ug 609-607 W.K.P.

Tiro: Misurender ngadto sa Babilonyanhong kasundalohan human sa 13-ka-tuig nga paglikos

[Mapa sa panid 321]

MAPA: Imperyo sa Babilonya

[Hulagway sa panid 322]

Ang gitukod pag-usab nga Ganghaan ni Ishtar

[Hulagway sa panid 322]

Ziggurat sa Ur. Ang torre nga gitukod didto sa Babel lagmit maoy usa ka relihiyosong ziggurat sama niini

[Hulagway sa panid 323]

Kini nga inskripsiyon nag-asoy sa pagpanghambog ni Nabucodonosor II bahin sa tanan niyang nahimo sa pagpadako ug sa pagpasangkad sa Babilonya (Itandi ang Dan 4:30)

[Hulagway sa panid 323]

Mga paril sa Babilonya. Ang siyudad daw dili-mapukan. Giprotektahan kini sa dagko kaayo ug dobleng mga paril. Ang ikaduhang parisan sa mga paril naglibot sa sidlakang bahin sa siyudad; may usa usab ka paril nga nagsilbing proteksiyon ubay sa sidlakang tampi sa Euprates palibot sa siyudad. Ang templo ni Marduk mao ang pangunang estruktura sa Babilonya. Lakip niini mao ang torre sa Etemenanki (nga giisip sa uban nga mao ang Torre sa Babel), nga miabot sa gitas-on nga 91 m (300 p)

[Hulagway sa panid 323]

Dayandayan sa Agianan sa Prosesyon sa Babilonya. Makaiikag, diha sa Bibliya ang Babilonya gisimbolohan sa usa ka leyon (Dan 7:4)

[Hulagway sa panid 324]

Yutang-kulonon nga modelo nga pormag atay sa karnero nga gikulitan ug mga tilimad-on ug mga pormula sa salamangka; gigamit sa Babilonya alang sa pagpanag-an (Itandi ang Eze 21:20-22)

[Hulagway sa panid 324]

Si Nabonido, ang kataposan nga supremong monarko sa Babilonya, uban ang mga simbolo sa iyang mga diyos (bag-ong bulan sa diyos-bulan nga si Sin, naay pako nga adlaw sa diyos-adlaw nga si Shamash, bituon ni Ishtar). Ang pagpakitabang sa langitnong mga butang, ug sa mga diyos niini, wala makaluwas sa Babilonya (Isa 47:12-15)

[Hulagway sa panid 324]

Mao kini ang giingong labing karaan nga nahibiling modelo sa horoskopyo; gikan sa Babilonya; gituohan nga sukad pa sa ikalimang siglo W.K.P.

[Hulagway sa panid 324]

Ang mga kagun-oban sa karaang Babilonya nagpamatuod sa pagkakasaligan sa tagna sa Bibliya. Ang Babilonya kanhi mao “ang dayandayan sa mga gingharian”; karon kini maoy “usa ka awaaw” (Isa 13:19-22; Jer 50:13)

[Hulagway sa panid 325]

Ang pagkapukan sa Babilonya

[Hulagway sa panid 325]

Cronica ni Nabonido​—usa ka papan nga sinulatag cuneiform nga nagpamatuod sa kalit nga pagkapukan sa Babilonya pinaagi ni Ciro

    Cebuano Publications (1983-2025)
    Log Out
    Log In
    • Cebuano
    • Ipasa
    • Setting
    • Copyright © 2025 Watch Tower Bible and Tract Society of Pennsylvania
    • Kondisyones sa Paggamit
    • Polisa sa Pribasiya
    • Mga Setting sa Pribasiya
    • JW.ORG
    • Log In
    Ipasa