MEROZ

Usa ka dapit nga gitunglo sa usa ka manulonda kay wala moadto “aron sa pagtabang kang Jehova.” (Huk 5:23) Lagmit nga ang mga molupyo sa Meroz wala motabang sa gitudlo nga komandante ni Jehova nga si Barak sa pagpakig-away sa mga Canaanhon nga ilalom sa pagpangulo ni Sisera. (Huk 5:5-16) O kon ang Meroz nahimutang diha sa giikyasang ruta sa napildi nga si Sisera, tingali ang mga molupyo niini wala magdakop kaniya. (Huk 4:17) Tungod kay ang sunod nga asoy sa Bibliya naghisgot sa maisogong buhat ni Jael sa pagpatay kang Sisera, kini nagpaluyo sa ulahing panglantaw. (Huk 5:24-27) Ang manulonda nga nagtunglo lagmit maoy usa nga nakig-away dapig sa Israel.

Ang eksaktong nahimutangan sa Meroz wala mahibaloi, bisan tuod gituohan sa pipila nga kini mao ang Khirbet Marus, mga 8 km (5 mi) sa H sa Kedes sa Neptali.