MILO

[gikan sa lintunganayng pulong nga nagkahulogang “puno”].

Ang “balay ni Milo” (“Bet-milo,” AT, JB, RS) lagmit maoy usa ka kuta o salipdanan ug tingali mao ra usab ang “torre sa Sekem.” Mopatim-aw nga ang mga tawo sa “balay ni Milo” miduyog sa paghimo kang Abimelek nga hari. Ang matagnaong mga pulong sa anak nga lalaki ni Gideon nga si Jotam naghisgot sa katalagman sa “balay ni Milo” pinaagi sa mga kamot ni Abimelek. Natuman kini sa dihang gisunog ni Abimelek ang inarkong lawak nga tagoanan sa balay ni El-berit ug ang tanan nga midangop didto nangamatay.​—Huk 9:​6, 20, 46-49.