MORESET, MORESET-GAT

[Kabtangan sa Gat].

Lagmit mao ang pinuy-anan ni manalagnang Miqueas. (Jer 26:18; Miq 1:1) Gituohan nga lagmit mao kini ang Tell el-Judeideh (Tel Goded), mga 35 km (22 mi) sa HK sa Jerusalem ug mga 10 km (6 mi) sa HS sa Gat. Ang gikombinar nga ngalang Moreset-gat (Miq 1:14) nagpasabot nga kini nga siyudad sa usa ka paagi nalangkit sa Gat. Tingali sulod sa pipila ka panahon kini gigamhan sa Filistehanong siyudad sa Gat, sanglit ang mga Filistehanon naggahom sa ubang mga dapit gawas pa sa ilang lima ka pangunang mga siyudad (ang Gat lakip niining lima).​—1Sa 6:18; 27:5.

Giisip sa pipila nga ang Miqueas 1:14 naghimo ug gamayng kalainan sa ngalan nga Moreset (nagkahulogang “Kabtangan”). Ang Hebreohanong termino nga “mga gasa sa pagpanamilit” niini nga teksto nagtumong sa usa ka tawo o kabtangan nga temporaryo o permanente nga gitugyan o gihatag. Busa, ang Zion (Miq 1:13) mawad-an niini nga siyudad, kay ang Moreset mismo mao ang “mga gasa sa pagpanamilit.”