NAHALIEL

[Bul-oganan (Bul-oganang Walog) sa Diyos].

Usa ka dapit diin nagkampo ang mga Israelinhon wala madugay una pa sila makiggubat sa Amorihanon nga si Haring Sihon. (Num 21:19-24) Ang Onomasticon ni Eusebius nag-ingon nga kini nahimutang duol sa Arnon. Busa ang Nahaliel sagad gituohan nga mao ang usa sa duha ka lugot, ang Wala (usa ka sapa nga nagaagos sa Arnon) ug ang Zarqa Maʽin nga mga 19 km (12 mi) sa A sa Arnon. Ang usa ka lokasyon sa bisan hain niini nga mga lugot mohaom sa gituohang nahimutangan sa Matana ug Bamot, ang duha ka gikampohan sa Israel nga sa taliwala niini mopatim-awng nahimutang ang Nahaliel.