NAPTUHIM

Gitala nga lakip sa mga kaliwat ni Mizraim nga anak nga lalaki ni Ham. (Gen 10:​6, 13, 14; 1Cr 1:​11, 12) Sama sa ubang mga ngalan niini nga talaan, ang mga eskolar sagad naggamit sa plural nga porma aron ipaila ang usa ka tribo o katawhan. Kay nagtuo nga ang gigikanan sa ngalan nalangkit sa usa ka dapit, kanunayng gilangkit sa mga eskolar ang mga Naptuhim sa usa ka Ehiptohanong prase nga nagkahulogang “niadtong anaa sa Delta,” ug tungod niini ang mga Naptuhim gilakip niadtong mga molupyo sa Ubos (amihanan) nga Ehipto. Apan dili pa gayod matino kon husto ba kini nga mga panglantaw.