OBED

[Alagad; Usa nga Nag-alagad].

1. Usa ka kaliwat ni Juda; ang amahan ni Jehu ug ang anak nga lalaki ni Eplal sa banay ni Jerameel.​—1Cr 2:​3, 25, 37, 38.

2. Amahan ni Jese nga amahan ni Haring David. Si Obed mao ang anak nga lalaki ni Boaz pinaagi sa iyang asawa nga si Ruth ug siya katigulangan ni Jesu-Kristo.​—Ru 4:13-17, 21, 22; 1Cr 2:12; Mat 1:5; Luc 3:32.

3. Usa sa gamhanang mga tawo sa kasundalohan ni David.​—1Cr 11:​26, 47.

4. Usa ka Levihanon sa banay ni Kore; ang apo ni Obed-edom ug ang anak nga lalaki ni Semaias. Siya nag-alagad ingong usa ka magbalantay-sa-ganghaan “diha sa balay ni Jehova.”​—1Cr 26:​1, 4, 7, 12.

5. Amahan sa usa ka Azarias, usa sa “mga pangulo sa mga ginatos” nga mitabang sa Hataas nga Saserdoteng si Jehoiada sa pagpukan kang Rayna Atalia aron si Jehoas makalingkod ingong hari.​—2Cr 23:​1, 12-15, 20; 24:1.