PAROS

[Pulgas].

Nagpundar sa usa ka banay sa Israel. Dihay 2,172 sa iyang mga kaliwat nga namalik sa Jerusalem uban kang Zorobabel niadtong 537 W.K.P. (Esd 2:1-3; Neh 7:8) Sa dihang miabot si Esdras niadtong 468 W.K.P., kauban sa 150 ka “mga anak nga lalaki ni Paros” nga gipangunahan ni Zacarias, ang pipila sa ilang banay nga didto na sa Jerusalem nanguhag langyawng mga asawa, kinsa sa ulahi ilang gipapahawa. (Esd 8:​1, 3; 10:​25, 44) Si Pedaia, usa sa mga membro niini nga banay, nag-ayo sa usa ka bahin sa paril sa Jerusalem. (Neh 3:25) Ang pangulo sa banay ni Paros nagpamatuod sa pakigsaad nga gihimo sa ulahi, nga miuyon sa pagtuman sa Balaod ni Jehova.​—Neh 9:38; 10:1, 14.