LIBRA

[Gr., liʹtra].

Usa ka sukod sa gibug-aton nga gihisgotan lamang diha sa Juan 12:3 (ftn sa Rbi8) ug 19:39 (ftn sa Rbi8). Ang Gregong termino sagad katumbas sa Romanhong libra (Lat., libra). Busa kini maoy mga 327 g. Ang pipila ka bersiyon naghubad sa Gregong pulong nga mna ingong “libra” (Luc 19:​18, KJ, Dy, JB, We), apan mas haom nga kini hubaron ingong “mina.” (Da, Fn, NW, Ro) Ang “libra” gigamit sa Bibliya ingong usa lamang ka gibug-aton o sukod, samtang ang “mina” maoy usa ka bato sa timbangan alang sa salapi nga nagpakita ug espesipikong bili sa bulawan o plata.