PUBLIO

[gikan sa Lat., nga nagkahulogang “Popular”].

Usa ka adunahang tag-iyag yuta nga pumoluyo sa Malta kinsa malulotong miatiman kang Pablo ug niadtong uban kaniya sulod sa tulo ka adlaw human sa ilang pagkalunod sa maong pulo. Sa baylo, giayo ni Pablo ang hilanat ug pagkalibag dugo sa amahan ni Publio.​—Buh 28:​7, 8.

Si Publio mao “ang punoan sa maong pulo.” Niini nga kahimtang ang maong titulo mopatim-awng nagtumong sa usa ka opisyal nga titulo nga katumbas sa gobernador, lagmit nga nagtumong sa pangunang Romanong opisyal sa maong pulo.