REZEP

Usa ka dapit nga gihisgotan diha sa mensahe ni Senakerib ngadto kang Haring Ezequias diin nanghambog si Senakerib nga gilaglag sa Asiryanhong mga hari ang lainlaing “mga nasod.” (2Ha 19:8-12; Isa 37:12) Wala mahibaloi ang tukmang nahimutangan sa Rezep, sanglit daghang dapit ang nagbaton niining ngalana. Ang usa sa maong dapit, nga giisip sa pipila ingong sakop kanhi sa usa ka karaang distrito, gituohang mao ang modernong Rusaʼfeh, nga nahimutang sa K sa Euprates nga mga 145 km (90 mi) sa H sa modernong Haran. Busa nahimutang kini diha sa palibot sa gituohang dapit sa Gozan, nga gihisgotan lakip sa Rezep.