SALMON

Ang anak nga lalaki sa pangulo sa Juda nga si Nason; lagmit natawo sa panahon sa 40 ka tuig nga pagpanaw sa kamingawan. Si Salmon naminyo kang Rahab nga taga-Jerico nga pinaagi kaniya siya nanganak kang Boaz. Busa, siya usa ka dugtong sa talaan sa kagikan padulong kang David ug Jesus. (Num 2:3; Ru 4:20-22; Mat 1:​4, 5; Luc 3:32) Sa 1 Cronicas 2:11 gitawag siya nga Salma. Apan, kining kaliwat ni Ram nga si Salmon, kansang kaliwat nanimuyo sa Betlehem, lahi ra kang Salma nga gihisgotan sa 1 Cronicas 2:​51, 54 ingong “ang amahan” o ang magtutukod sa Betlehem, kay ang ulahi maoy kaliwat sa igsoong lalaki ni Ram nga si Caleb.​—Itandi ang 1Cr 2:​9, 18.