SAMOTRASIA

[lagmit, Samos sa Trasia].

Usa ka bukirong pulo nga nahimutang sa AS sa Dagat Aegean, nga may siyudad nga sama niinig ngalan diha sa A nga kiliran niini. Lagmit nga sa tingpamulak sa 50 K.P., sa panahon sa ikaduhang misyonaryong panaw ni Pablo, ang barko nga iyang gisakyan “mideretso” sa pulo sa Samotrasia gikan sa Troas sa AK sa Asia Minor. Apan, walay timailhan nga siya mikawas didto. (Buh 16:11) Ang modernong-adlaw nga pulo (Samothraki) walay maayong dunggoanan, bisan tuod kini adunay daghang hilwas nga dapit nga kapondohan sa mga sakayan.