SENIR

Ang Amorihanong ngalan sa Bukid sa Hermon. (Deu 3:9) Sanglit ang 1 Cronicas 5:23 naghisgot sa “Senir ug sa Bukid sa Hermon,” ang ngalang Senir lagmit nga gigamit usab sa pagtumong sa usa ka bahin sa Kabukiran sa Hermon, o sa Anti-Lebanon. Ang Senir maoy gigikanan sa mga kahoyng junipero (Eze 27:5) ug usa ka puy-anan sa mga leyon ug mga leopardo. (Aw 4:8) Ang usa ka Asiryanhong inskripsiyon naghubit sa Senir (Sa-ni-ru) nga “usa ka bukid, nga atbang sa Lebanon.”​—Ancient Near Eastern Texts, giedit ni J. Pritchard, 1974, p. 280; tan-awa ang HERMON.