SABETAI

[[Natawo sa] Igpapahulay].

Usa ka Levihanon nga nabuhi human sa yugto sa pagkadestiyero. Ang teksto sa Esdras 10:15 mabasa: “Apan, si Jonatan nga anak nga lalaki ni Asahel ug si Jazeias nga anak nga lalaki ni Tikva mitindog batok niini, ug si Mesulam ug si Sabetai nga mga Levihanon mao ang mitabang kanila.” Kini nga bersikulo mahimong magpasabot nga si Sabetai mitabang niadtong kinsa misupak sa sugyot ni Esdras nga kadtong nagkuhag langyawng mga asawa magpapahawa kanila. O kini mahimong magpasabot nga siya miduyog sa pagsupak sa pamaagi nga girekomendar sa kongregasyon sa pagsulbad sa maong butang. Ang laing posibleng hubad magpaila nga siya mitabang niadtong kinsa nag-alagad ingong mga hawas sa pag-atiman sa kahimtang alang sa katawhan. Kining ulahing panglantaw tingali katuohan kon si Sabetai nga gihisgotan dinhi mao ra ang tawo nga ginganlan sa Nehemias 8:​5-7; 11:​1, 2, 15, 16 nga mitabang kang Esdras sa pagbasa sa Balaod ngadto sa katawhan ug kinsa mipuyo sa Jerusalem human matukod pag-usab ang paril.