SEBAT

Ang ngalan sa ika-11 nga lunar nga bulan sa sagradong kalendaryo sa mga Hudiyo human sa pagkadestiyero, apan ang ikalima nga bulan sa sekular nga kalendaryo. (Zac 1:7; Deu 1:3; 1Cr 27:14) Kini katumbas sa bahin sa Enero ug bahin sa Pebrero. Ang kahulogan niini nga ngalan dili matino.

Kining bulana sa tungatunga sa tingtugnaw mopatim-awng magsugod human sa kinakusgan nga mga pagbunok sa ulan apan panahon pa gihapon sa kusog nga mga pag-ulan. Ang aberids nga temperatura moabot ug mga 7° C. (45° F.) sa Jerusalem ug mas taas ug mga napulo ka grado ubay sa Baybayon sa Mediteranyo. Ang rosason ug puti nga mga bulak sa kahoyng almendras maoy unang magpadan-ag sa talan-awon sa tingtugnaw ug magpaila sa pag-abot sa tingpamulak.

Sa Sebat walay gisaulog nga bisan unsang kapistahan diha sa rekord sa Bibliya.