SELEMIAS

[Si Jehova Maoy Balos; o, Halad-sa-panag-ambit ni Jehova].

1. Usa ka Levihanong magbalantay-sa-ganghaan nga gitudlo pinaagig ripa dapit sa S sa sangtuwaryo panahon sa paghari ni David.​—1Cr 26:14; tan-awa ang MESELEMIAS.

2. Apohan sa opisyal ni Jehoiakim nga si Jehudi; anak nga lalaki ni Cusi.​—Jer 36:14.

3. Amahan sa mensahero ni Zedekias nga si Jehucal (Jucal).​—Jer 37:3; 38:1.

4. Amahan ni Irias, ang opisyal nga nagdumala sa Ganghaan ni Benjamin sa Jerusalem; anak nga lalaki ni Hananias.​—Jer 37:13.

5. Usa sa mga mensahero nga gipaadto ni Haring Jehoiakim aron dad-on si Jeremias ug Baruk sa iyang atubangan; anak nga lalaki ni Abdeel.​—Jer 36:26.

6, 7. Duha ka tawo nga gitala lakip sa mga anak nga lalaki o mga kaliwat ni Binui kinsa, sa pagbalik ni Esdras sa Jerusalem niadtong 468 W.K.P., nagpapahawa sa ilang langyawng mga asawa.​—Esd 10:​38, 39, 41, 44.

8. Amahan ni Hananias nga mitabang sa pag-ayo sa paril sa Jerusalem.​—Neh 3:30.

9. Usa ka saserdote, ug usa sa mga tinugyanan ni Nehemias sa mga tipiganag pagkaon ug sa pagpang-apod-apod sa mga ikapulo ngadto sa mga angayng hatagan niini panahon sa iyang ikaduhang pagduaw sa Jerusalem.​—Neh 13:​6, 7, 12, 13.