SELEP

Ang ikaduhang ginganlan nga anak nga lalaki ni Joktan; ang gigikanan sa usa sa unang mga banay human sa Lunop. (Gen 10:26; 1Cr 1:20) Ang Arabikong mga katumbas niining ngalana makita diha sa mga inskripsiyon nga Sabeanhon (gisulat una pa sa ikapitong siglo W.K.P.) nga naghisgot sa Salaf o Salif nga usa ka distrito sa Yemen. Ang laing porma niining ngalana lagmit napreserbar diha sa Sulaf, usa ka dapit nga mga 100 km (60 mi) sa A sa Sanʽa, ang kaulohan sa Republika sa Yemen. Apan ang pagkaamgid niini sa katibuk-an nagpakita lamang kon diin nanimuyo ang mga kaliwat ni Selep.