SEPATIAS

[Si Jehova Naghukom].

1. Usa sa mga manggugubat nga Benjaminhon kinsa mibiya kang Saul aron modapig kang David didto sa Ziklag; usa ka Hariphanon.​—1Cr 12:​1, 2, 5.

2. Ang ikalimang anak nga lalaki nga natawo kang David samtang siya nagmando didto sa Hebron (1077-1070 W.K.P.). Ang inahan ni Sepatias mao si Abital.​—2Sa 3:​2, 4; 1Cr 3:​1, 3.

3. Prinsipe sa tribo ni Simeon sa panahon sa paghari ni David; anak nga lalaki ni Maaca.​—1Cr 27:​16, 22.

4. Usa ka anak nga lalaki ni Jehosapat nga gihatagan sa iyang amahan ug daghang gasa ug kinutaang mga siyudad, nga sa ulahi gipatay sa iyang kinamagulangang igsoon nga lalaki nga si Jehoram.​—2Cr 21:2-4.

5. Usa sa mga prinsipe sa Juda kinsa, sa dihang nakuha ang pagtugot ni Haring Zedekias sa pagpatay kang Jeremias, naghulog kaniya ngadto sa usa ka atabay; anak nga lalaki ni Matan.​—Jer 38:1-6, 10.

6. Magtutukod sa usa ka banay sa Israel nga gikan niini 372 ka kalalakin-an ang mibalik ngadto sa Jerusalem uban kang Zorobabel niadtong 537 W.K.P., ug 80 pa ka lalaki, nga gipangulohan ni Zebadias, ang miuban kang Esdras niadtong 468 W.K.P.​—Esd 2:​1, 2, 4; 8:​1, 8; Neh 7:9.

7. Usa ka banay gikan sa “mga anak sa mga alagad ni Solomon” kinsa mibalik usab gikan sa Babilonya uban kang Zorobabel.​—Esd 2:​1, 2, 55, 57; Neh 7:59.

8. Usa ka Benjaminhon, nga usa sa iyang mga kaliwat gitala ingong nagpuyo sa Jerusalem human sa pagkadestiyero sa Babilonya.​—1Cr 9:​7, 8.

9. Usa ka kaliwat ni Juda pinaagi kang Perez ug katigulangan sa usa ka tawong nagpuyo sa Jerusalem sa panahon sa pagkagobernador ni Nehemias.​—Neh 11:​1, 2, 4.