SIBA

[Panumpa; o, Pito].

Usa ka atabay nga gikalot o gikalot pag-usab sa mga alagad ni Isaac didto sa Beer-seba. (Gen 26:​32, 33; itandi ang 26:18.) Ilang gitaho nga sila nakakaplag ug tubig didto human makahimog pakigsaad sa kalinaw uban kang Abimelek nga hari sa Gerar; busa ginganlan ni Isaac ang atabay ug “Siba” (nagtumong sa usa ka panumpa o gipanumpaang pahayag pinaagig pito ka butang). (Gen 26:26-33) Si Abraham sa susama naghimog usa ka pakigsaad uban kang Abimelek (mahimong kini nga Filistehanong hari o kaha lain pa nga tawo nga adunay samang ngalan o titulo). Niana nga okasyon si Abimelek midawat ug pito ka bayeng nating karnero gikan sa patriarka agig pamatuod nga si Abraham ang tag-iya sa gikasungian nga atabay, tingali ang mao rang atabay nga ginganlan ni Isaac sa ulahi ug “Siba.” Pinaagi sa paggamit sa ngalang “Siba” (laing porma sa ngalang Sheba), si Isaac dayag usab nga nagpreserbar sa ngalang “Beer-seba,” nga maoy orihinal nga gingalan ni Abraham niining dapita.​—Gen 21:22-32; tan-awa ang BEER-SEBA.