SHIBBOLETH

Ang kontrasenyas nga gigamit sa mga tawo sa Gilead aron mailhan ang mga Epraimnon nga misulay sa pagkalagiw tabok sa Jordan. Kini nagkahulogang “uhay” o “nagaagos nga sapa.” Ang miikyas nga mga Epraimnon, panahon sa ilang pagpakiggubat kang Jepte, nabisto sa mga guwardiya sa Gilead diha sa mga tabokanan sa Jordan tungod sa sayop nga paglitok sa unang “sh” nga tunog niini nga kontrasenyas. Sila miingon nga “Sibboleth.” (Huk 12:4-6) Busa, dayag nga dihay pipila ka kalainan sa paglitok taliwala sa mga tribo, maingon nga sa ulahing kapanahonan ang mga Galileanhon adunay paagi sa pagsulti nga lahi gikan sa mga Judeanhon.​—Itandi ang Mat 26:73; Luc 22:59.