SILOA

[Tigdala].

Mopatim-aw nga ang ngalan nga Siloa nagtumong sa usa ka agianan sa tubig o kanal sa Jerusalem. Usa ka karaang kanal ang naggikan sa baba sa langob sa Tubod sa Gihon paingon sa Walog sa Kidron ug sa palibot sa tumoy sa HS nga bungtod padulong sa usa ka linaw diin magtagbo ang mga walog sa Hinnom ug Tyropoeon. Tungod kay pahanayhay ang kanal ug mga 4 o 5 mm matag metros (wala pay 0.2 pul. matag yarda), hinay ang pagdagayday sa tubig, usa ka paghubit nga mohaom sa giingong ang “katubigan sa Siloa nga hinayng nagaagay.” Ang paghisgot niini nga “katubigan sa Siloa” sa Isaias 8:6 maoy mahulagwayon ug naghawas sa tinubdan sa tinuod nga kaluwasan ug kasegurohan.