SOMER

[gikan sa lintunganayng pulong nga nagkahulogang “bantay”].

1. Usa ka kaliwat ni Aser kansang upat ka anak nga lalaki maoy mga hepe ug mga pangulo sa banay. Ang laing espeling sa iyang ngalan maoy Semer.​—1Cr 7:​30, 32, 34, 40.

2. Si Jehozabad, nga usa sa mga mipatay kang Haring Jehoas sa Juda, gipaila ingong usa ka anak nga lalaki ni Somer ug ni “Simrit nga babayeng Moabihanon.” (2Ha 12:21; 2Cr 24:26) Sa Hebreohanon ang Somer maoy ngalan sa lalaki; samtang ang Simrit maoy ngalan sa babaye. Gituohan sa pipila nga si Somer mao ang amahan ni Jehozabad ug si Simrit mao ang iyang inahan. Hinunoa, si Somer tingali maoy amahan ni Simrit. Kon mao kana, si Jehozabad maoy apo ni Somer, kay ang terminong “anak nga lalaki” sagad nagkahulogan nga kaliwat.