ESTACTE

Ang mga tinulo nga estacte (Heb., na·taphʹ) maoy lakip sa mga sambog sa insenso nga alang lamang sa sagradong paggamit. (Ex 30:34) Ang kaamgid nga berbo niini nagkahulogang “motulo.” (Huk 5:4) Ang Gregong Septuagint naghubad niining pulonga nga sta·kteʹ, nga nagkahulogang “lana sa mira,” gikan sa Gregong berbo nga staʹzo, “motulo.” Busa ang Hebreohanon ug Grego nga mga termino nagpaila nga kini maoy usa ka balsamo nga mitulo gikan sa salongon nga mga kahoy. Ang Latin nga Vulgate naghubad niining pulonga nga stacte.

Dili matino kon unsang espesipiko nga kahoy ang nagpatunghag estacte. Lakip sa gituohang mga tinubdan niini mao ang Sidlakanhong kahoy nga tam-is ug tagok (Liquidambar orientalis) ug ang kahoykahoy nga mastic pistacia (Pistacia lentiscus).