PATAG SA BUKID

Ang Hebreohanong termino nga mi·shohrʹ, nga gihubad nga “patag sa bukid,” naggikan sa usa ka lintunganayng pulong nga nagkahulogang “magmatul-id, tul-id.” Kini nga Hebreohanong pulong mahimong magtumong sa “patag nga yuta” nga lahi sa bukiron o bungtoron nga dapit (1Ha 20:​23, 25; Isa 40:4; 42:16; Zac 4:7) ug mahimong magkahulogan nga “katul-id” (Sal 27:11; 45:6; 67:4; 143:10; Isa 11:4) o magpaila sa usa ka kahimtang nga walay mga kababagan. (Sal 26:12) Usahay ang mi·shohrʹ mapadapat sa patag sa bukid nga nahimutang sa S sa Patayng Dagat tali sa Hesbon sa A ug sa bul-oganang walog sa Arnon sa H.​—Deu 3:10; Jos 13:​9, 15-17; 20:8.