TELAM

Ang dose ka manuskrito sa Gregong Septuagint nag-ingon nga ang Tela(m) maoy usa sa mga utlanan sa mga pinuy-anan sa mga Gesurihanon, Girzihanon, ug mga Amalekanhon sa adlaw ni David. (1Sa 27:8) Kini daw nagpakita nga ang Telam mao ra usab ang Telaim, nga gihisgotan sa 1 Samuel 15:​4, ug ang Telem sa habagatang bahin sa Juda. (Jos 15:​21, 24) Sa 1 Samuel 27:​8, ang mabasa sa Hebreohanon nga Masoretikong teksto maoy “sukad sa kanhing panahon,” nga lahi ug duha lamang ka Hebreohanong mga konsonante gikan sa ekspresyon nga “nagsukad sa Telam.”