TULO KA ABOTANAN

Usa ka dapit-pahulayanan nga gihisgotan sa karaang mga sinulat, nga nahimutang sa Apyanhong Dalan, ang iladong dakong dalan nga nagsukad sa Roma hangtod sa Brundisium agi sa Capua. Ang ngalan niining dapita lagmit gipasukad sa tulo ka balay-abotanan diin ang mga magpapanaw makahapit aron makapahulay ug makaparepresko. Ang nahimutangan sa Tulo ka Abotanan maoy 49 km (30 mi) sa HS sa Roma. Ang Tiyanggihan sa Apio maoy unahan pa ug mga 15 km (9.5 mi) sa Apyanhong Dalan. Ang pipila ka Romanhong mga kagun-oban mao na lamang ang nahibilin karong adlawa sa maong dapit. Kay nadunggan nga si Pablo taliabot, ang ubang mga Kristohanon nga nangabot gikan sa Roma naghulat didto sa Tulo ka Abotanan samtang ang uban mipanaw hangtod sa Tiyanggihan sa Apio.​—Buh 28:13-15.