TOLA

[Lutong-pula (Sanag-pula) nga Panapton].

1. Unang ginganlang anak nga lalaki ni Isacar nga miuban sa panimalay ni Jacob ngadto sa Ehipto niadtong 1728 W.K.P. (Gen 46:​8, 13) Ang mga anak nga lalaki ni Tola ug ang pipila sa iyang mga apo mao ang gigikanan sa daghag membro nga mga banay sa tribo ni Isacar, nga sa linangkob nailhan ingong mga Tolahanon.​—Num 26:23; 1Cr 7:1-4.

2. Usa ka maghuhukom sa Israel; ang anak nga lalaki ni Pua. Si Tola maoy usa ka kaliwat ni Isacar, apan siya nagpuyo sa bukirong rehiyon sa Epraim ug sa ulahi gilubong didto. Walay gitala nga mga kasinatian gikan sa iyang 23 ka tuig nga pagkamaghuhukom.​—Huk 10:​1, 2.