URIEL

[Ang Diyos Maoy Kahayag].

1. Usa ka Levihanong kaliwat ni Kohat; anak nga lalaki ni Tahat.​—1Cr 6:​22, 24.

2. Pangulo sa mga Kohatnon sa dihang gipadala ni David ang arka sa pakigsaad ngadto sa Jerusalem.​—1Cr 15:​5, 11, 12, 15.

3. Amahan ni Micaias (Maaca) nga asawa ni Haring Rehoboam ug inahan ni Abias. (2Cr 13:​1, 2; 11:21) Si Maaca maoy apong babaye ni Absalom. Sanglit ang tulo ka anak nga lalaki ni Absalom mopatim-awng nangamatay nga batan-on pa ug walay anak (2Sa 14:27; 18:18), si Micaias lagmit mao ang anak sa anak nga babaye ni Absalom nga si Tamar ug ni Uriel, dili ang anak nga lalaki ni Absalom, kondili ang umagad nga lalaki.