UZA

[lagmit pinamubo sa Uzzias, nga nagkahulogang “Ang Akong Kusog Mao si Jehova”].

1. Usa ka Benjaminhon.​—1Cr 8:​1, 7.

2. Usa ka ngalan nga gihisgotan maylabot sa usa ka tanaman. Ang mga hari nga si Manases ug Amon sa Juda gilubong diha sa tanaman ni Uza inay nga diha sa naandan nga mga lubnganan sa hari. (2Ha 21:​18, 23, 26) Gawas niini, wala nay laing nahibaloan bahin kang Uza ug sa maong tanaman. Sanglit adunay gilubong nga mga tawo didto, ang dapit dili mahimong diha sa mga nataran sa templo, ug sanglit ang palasyo sa hari kasikbit sa templo, ang “balay” ni Manases nga diha sa tanaman ni Uza lagmit nga usa ka puloy-anan sa ting-init.

3. Pangulo sa usa ka banay sa mga Netinim, nga ang pipila kanila mipauli sa Jerusalem kauban ni Zorobabel niadtong 537 W.K.P.​—Esd 2:​1, 2, 43, 49; Neh 7:51.