UZEN-SEERA

[lagmit, Dalunggan ni Seera].

Usa ka siyudad nga gitukod ni Seera, usa ka babayeng Epraimnon. Wala ibutyag kon nganong giingon nga siya ang ‘nagtukod’; tingali tungod kini sa dako niyang naamot sa pagpalambo ug pagpauswag niining dapita ingon man usab sa ubang gitalang mga dapit. (1Cr 7:22-24) Ang nahimutangan sa Uzen-seera wala mahibaloi sa tino. Apan ang pipila ka geograpo nagtuo nga kini mao ang Beit Sira, mga 4 km (2 mi) sa K sa gituohang dapit sa Ubos nga Bet-horon ug mga 21 km (13 mi) sa AK sa Jerusalem.