UZI

[pinamubo sa Uzzias].

1. Usa ka anak nga lalaki o kaliwat ni Tola sa tribo ni Isacar. Si Uzi ug ang ubay-ubay sa iyang mga kaliwat nahimong mga pangulo sa mga balay sa ilang katigulangan.​—1Cr 7:1-3.

2. Usa ka kaliwat ni Benjamin pinaagi kang Bela. Si Uzi maoy usa ka pangulo sa tribo.​—1Cr 7:​6, 7.

3. Usa ka kaliwat ni Aaron pinaagi kang Eleasar sa linya sa hataas nga mga saserdote; lagmit apo-sa-tuhod ni Pinehas; katigulangan sa magsusulat sa Bibliya nga si Esdras.​—1Cr 6:3-6, 51; Esd 7:1-5.

4. Usa ka Benjaminhon kansang anak nga lalaki o kaliwat mipuyo sa Jerusalem human sa yugto sa pagkadestiyero.​—1Cr 9:​3, 7-9.

5. Magtatan-aw sa mga Levihanon didto sa Jerusalem human sa pagkadestiyero; kaliwat ni Asap.​—Neh 11:22.

6. Pangulo sa saserdotehanong balay o banay sa amahan ni Jedaia sa panahon ni Joiakim nga manununod sa Hataas nga Saserdoteng si Jesua. (Neh 12:​1, 12, 19) Lagmit mao ra ang Num. 7.

7. Usa ka saserdote nga mipuwesto kauban ni Nehemias didto sa templo alang sa inagurasyon sa gitukod pag-usab nga paril sa Jerusalem. (Neh 12:​27, 40-42) Tingali mao rang tawhana sa Num. 6.