UZIEL

[Ang Diyos Maoy Kusog].

1. Ang kataposang ginganlan sa upat ka anak nga lalaki ni Kohat; apo ni Levi; uyoan ni Moises ug Aaron. Ang tulo ka anak nga lalaki ni Uziel nga si Misael, El(i)zapan, ug Sitri, nahimong mga pangulo sa mga banay sa tribo ni Levi.​—Ex 6:​16, 18, 20, 22; Lev 10:4; Num 3:​19, 30; 1Cr 6:​2, 18; 23:12; tan-awa ang UZIELNON.

2. Pangulo sa banay sa tribo ni Benjamin; anak nga lalaki o kaliwat ni Bela.​—1Cr 7:​6, 7.

3. Usa ka Levihanong maghohoni sa banay ni Heman, nga gitudlo aron mangulo sa ika-11 nga dibisyon ni David sa pag-alagad ingong manunugtog; gitawag usab ug Azarel.​—1Cr 25:​1, 4, 18.

4. Levihanong kaliwat ni Jedutun nga mitabang sa paglabay sa mahugaw nga mga butang nga nakuha gikan sa templo sa pagsugod sa paghari ni Ezequias.​—2Cr 29:​12, 14, 16.

5. Usa sa upat ka Simeonhon nga mga anak nga lalaki ni Isi nga nangulo sa 500 ka lalaki nga miadto sa Bukid sa Seir aron sa pagpatay sa nahibiling mga Amalekanhon ug aron mopuyo didto; usa ka katalirongan ni Ezequias.​—1Cr 4:41-43.

6. Usa ka mananalsal ug bulawan nga mitabang sa pagpang-ayo sa paril sa Jerusalem ubos sa pagdumala ni Nehemias; anak nga lalaki ni Harhaias.​—Neh 3:8.