ZANOA

[lagmit gikan sa lintunganayng pulong nga nagkahulogang “lang-og”].

1. Usa ka siyudad sa Juda diha sa Sepela. (Jos 15:​20, 33, 34, 36) Lakip kini sa mga siyudad nga gipuy-an pag-usab human sa pagkadestiyero didto sa Babilonya. (Neh 11:​25, 30) Ang mga pumoluyo niini nga siyudad sa Zanoa lagmit mao ang mihimog pagpang-ayo sa habagatang paril sa Jerusalem ug sa Ganghaan sa Walog niini. (Neh 3:13) Gituohan nga kini mao ang Khirbet Zanuʽ (Horvat Zanoah), mga 5 km (3 mi) sa HS sa Bet-semes.

2. Usa ka siyudad sa bukirong rehiyon sa Juda. (Jos 15:​20, 48, 56, 57) Lagmit kini mao ang Zanoa nga gihisgotan sa 1 Cronicas 4:18 nga ‘gipundar’ ni Jekutiel. (Tan-awa ang JEKUTIEL.) Gituohan nga kini lagmit mao ang Khirbet Beit Amra, mga 10 km (6 mi) sa HHK sa Hebron.