ZAREPTA

[lagmit gikan sa lintunganayng pulong nga nagkahulogang “dalisay”].

Usa ka Fenicianhong lungsod nga ‘iya sa’ o lagmit sakop sa Sidon sa adlaw ni Elias. Didto sa Zarepta ang manalagna giabiabi sa usa ka kabos nga babayeng balo, kansang harina ug lana wala mahurot sa milagrosong paagi panahon sa dakong gutom ug kansang anak nga lalaki, human niadto, gibanhaw ni Elias pinaagi sa gahom sa Diyos. (1Ha 17:8-24; Luc 4:​25, 26) Kini sa ulahi nagsilbing kinatumyan sa kanhing teritoryo sa Canaan nga gitagnang panag-iyahon sa Israelinhong mga destiyero. (Abd 20) Kining ngalana napreserbar pinaagi sa ngalan nga Sarafand, mga 13 km (8 mi) sa HHK sa Sidon, bisan tuod ang karaang dapit niini lagmit nga duol lamang sa baybayon sa Mediteranyo.