ZERUIA

[lagmit gikan sa lintunganayng pulong nga nagkahulogang “balsamo”].

Ang pursoso nga igsoong babaye o kaha ang igsoon-sa-inahan ni Haring David ug ang inahan ni Joab, Abisai, ug Asahel. Ang igsoong babaye ni Zeruia nga si Abigail giingon nga “anak nga babaye ni Nahas,” apan kana wala isulti nga direkta labot kang Zeruia. (2Sa 17:25) Si Zeruia ug Abigail giingon usab nga “mga igsoong babaye” sa mga anak nga lalaki ni Jese. (1Cr 2:16) Nan posible nga sila maoy mga anak sa asawa ni Jese sa iyang kanhing kaminyoon kang Nahas, busa sila maoy mga igsoong babaye ni David sa inahan. (Tan-awa ang ABIGAIL Num. 2; NAHAS Num. 2.) Dayag nga si Zeruia mas magulang gayod kay kang David, kay ang iyang mga anak nga lalaki daw halos sama rag pangedaron kang David. Ang ngalan ni Zeruia sagad nga gilangkit sa iyang tulo ka anak nga lalaki, kinsa parehong maisog nga mga manggugubat ni David. (2Sa 2:​13, 18; 16:9) Ang bugtong paghisgot sa amahan niini nga mga anak nga lalaki mao nga siya gilubong didto sa Betlehem.​—2Sa 2:32.