ZIKRI

[laing porma sa ngalang Zacarias, nga nagkahulogang “Nahinumdom si Jehova”].

1. Ang ikatulong ginganlan nga anak nga lalaki ni Izar; apo ni Kohat nga usa ka Levihanon.​—Ex 6:​18, 21.

2, 3, 4. Tulo ka pangulo sa banay diha sa tribo ni Benjamin, mga pumoluyo sa Jerusalem. Sila maoy mga anak nga lalaki o mga kaliwat ni Simei, Sasak, ug Jeroham.​—1Cr 8:​1, 19, 21, 23, 25, 27, 28.

5. Usa ka anak nga lalaki ni Asap, ug katigulangan sa maghohoni nga si Matanias human sa pagkadestiyero. (1Cr 9:15) Sa ubang mga teksto siya lagmit gitawag ug Zabdi (Neh 11:17) ug Zacur.​—1Cr 25:​2, 10; Neh 12:35.

6. Usa ka Levihanong kaliwat ni Moises pinaagi kang Eliezer; amahan o katigulangan sa Selomot nga gitudlo nga magdumala sa mga bahandi sa mga butang nga nailog sa gubat sa panahon sa paghari ni David.​—1Cr 26:25-27; 23:​15, 17.

7. Usa ka Rubenhon kansang anak nga lalaking si Eliezer maoy pangulo sa tribo panahon sa paghari ni David.​—1Cr 27:16.

8. Usa ka tawo sa Juda kansang anak nga lalaking si Amasias maoy usa ka pangulo sa kasundalohan ni Haring Jehosapat.​—2Cr 17:​12, 14, 16.

9. Amahan ni Elisapat nga mitabang kang Jehoiada sa pagpukan kang Atalia.​—2Cr 23:1.

10. Usa ka gamhanang manggugubat gikan sa Epraim sa kasundalohan sa amihanang gingharian nga misulong sa Juda niadtong mga 760 W.K.P. Gipatay ni Zikri ang tulo ka prominenteng mga sakop sa panimalay ni Haring Ahaz, lakip ang usa ka prinsipe sa hari.​—2Cr 28:​6, 7.

11. Usa ka Benjaminhon kansang anak nga lalaking si Joel maoy usa ka magtatan-aw sa mga Benjaminhon nga nanimuyo sa Jerusalem human sa pagkadestiyero.​—Neh 11:​3, 4, 7, 9.

12. Pangulo sa saserdotehanong balay o banay sa amahan ni Abias panahon ni Joiakim nga manununod sa Hataas nga Saserdoteng si Jesua.​—Neh 12:​12, 17.