ZOPAR

Usa sa tulo ka “higala” ni Job; usa ka Naamahanon. (Job 2:11) Si Zopar ang ikatulo nga misulti diha sa pakigdebate kang Job. Ang katibuk-ang paagi sa iyang pangatarongan maoy sama ra nianang kang Elipaz ug Bildad; iyang giakusar si Job sa pagkadaotan, nga gisultihan siya nga biyaan ang iyang makasasalang mga buhat. (Job kap 11, 20) Apan human sa duha ka hugna si Zopar mihunong; nabungat na niya ang iyang mga pulong sa mahukmanong pagsaway ug wala nay ikadugang pa sa ikatulong hugna. Sa kataposan gisugo ni Jehova nga siya ug ang iyang mga higala magtanyag ug dakong halad ug nga si Job mag-ampo alang kanila.​—Job 42:7-9.