ZORA

Usa ka siyudad diha sa Sepela nga gipahat ngadto sa tribo ni Juda. (Jos 15:​20, 33) Kini nahimutang diha sa utlanan tali sa Dan ug Juda, ug gipuy-an sa katawhan sa Dan. (Jos 19:​41, 48; Huk 18:​2, 8, 11) Ang Danhanon nga si Samson natawo sa Zora ug gilubong duol sa maong dapit. (Huk 13:​2, 24, 25; 16:31) Ang siyudad gipalig-on ni Haring Rehoboam, tingali tungod kay maayo ang pagkapuwesto niini nga mga 25 km (16 mi) sa K sa Jerusalem. (2Cr 11:​5, 10) Ang Zora gipuy-an pag-usab sa pipila sa mga anak sa Juda nga mibalik gikan sa pagkadestiyero sa Babilonya. (Neh 11:​25, 29) Gituohan nga kini mao ang presenteng-adlaw nga Sarʽah (Tel Zorʽa), nga anaa sa A nga kiliran sa gituohang mao ang Walog sa Sorek.