ZUR

[Bato].

1. Usa sa lima ka hari sa Midian sa panahong ang Israel nagkaduol na sa Yutang Saad. Si Zur gitawag usab nga “usa ka pangulo sa mga banay sa usa ka balay sa amahan,” ingon man usab usa ka “duke ni Sihon.” Ang iyang anak nga babaye nga si Cozbi mao ang Midianhon nga gidala ni Zimri alang sa imoral nga pakigrelasyon ug kinsa gipatay ni Pinehas. Si Zur gipatay sa dihang gisilotan sa mga Israelinhon ang Midian tungod sa paghaylo sa mga lalaki sa Israel sa pagpakighilawas ug sa bakak nga pagsimba.​—Num 25:14-18; 31:​1, 2, 7, 8; Jos 13:21.

2. Usa ka Benjaminhon, anak nga lalaki ni Jeiel ug lagmit igsoon ni Ner nga apohan ni Saul.​—1Cr 8:​29, 30; 9:​35, 36, 39.