Unsay Imong Paglantaw sa Ngalan ni Jehova?

KINING makahagit nga pangutana gibangon alang sa mga delegado diha sa “Pag-uswag sa Gingharian” Distritong mga Kombensiyon sa mga Saksi ni Jehova. Nahitabo kini sa pagluwat sa bag-ong plyetong, The Divine Name That Will Endure Forever. Nganong hinungdanon kaning pangutanaha?

Sukad pa sa unang yutan-ong kasaysayan sa kalalangan, ang ngalan ni Jehova gigamit sa pagpunting sa bugtong tinuod nga Diyos. (Genesis 2:4; 4:1) “Ang higala ni Jehova” si Abraham migamit niini kanunay. (Santiago 2:23; Genesis 18:30-33) Nakahibalo si Moises nga Jehova ang ngalan sa Maglalalang “sa walay kataposan.” (Exodo 3:15) Gipaila ni Jesus ang ngalan sa Diyos ngadto sa iyang mga sumusunod. (Juan 17:6) Ug mibiyahe ang iyang mga tinun-an sa tanang dapit aron matabangan ang mga tawo nga ‘makatawag sa ngalan ni Jehova ug mamaluwas.’—Buhat 2:21.

Apan, ang uban, nagpasipala sa ngalan. Ang mga Israelitas nga napakyas sa pagsunod sa kasugoan sa Diyos nakapasipala sa iyang ngalan. (Levitico 18:21; 19:12) Kadtong mga Israelitas nga diha sa tiilan sa Bukid sa Sinai kinsa migamit sa ngalan sa Diyos may kalabotan sa pagsimba sa ilang bulawang baka nakapasipala sa iyang ngalan. (Exodo 32:4, 6) Maingon man, ang mga Hudiyo kinsa sa ulahi sa matuotuohon midumili sa paglitok sa ngalan sa Diyos nakapasipala niini, sama sa gihimo sa Hudiyohanong mga mistiko kinsa milantaw niini ingong simbolo sa madyik.

Ang walay hibangkaangan nagaangkong mga Kristiyano, usab, nagatago sa ngalan sa dinha, sama sa mga Hudiyo, mihunong sa paggamit niini ug mikuha pa ngani niini diha sa Gregong paghubad sa Hebreohanong Kasulatan. Ug kini, sa baylo, mao ang miagak sa modernong pag-abuso. Ang mga tawo karon wala na magtagad sa ngalan sa Diyos, nag-isip niini ingong dili importante o dili kinahanglanon sa pagsimba.

Padayon sa Pagpasidungog sa Ngalan

Sa pagkamatuod, ang mga Saksi ni Jehova lamang karon ang nagsunod sa panig-ingnan sa unang mga tinun-an ni Jesus ug mitabang sa mga tawo sa tibuok-kalibotan sa ‘pagtawag sa ngalan ni Jehova ug mamaluwas.’ Sila lamang ang tinuod nga matawag nga “usa ka katawhan alang sa iyang ngalan.” (Buhat 15:14) Hinunoa, may kalagmitan ba, nga kita usab, nagsalikway sa ngalan ni Jehova?

Buweno, kon atong lapason ang kasugoan ni Jehova ug mohimog daotan, kita sa pagkatinuod nakapasipala sa iyang ngalan. (2 Timoteo 2:19) Ug kon atong gamiton ang ngalan ni Jehova sa atong pagsimba, apan ang atong lihok nagpakita nga ang atong paglaom sa umaabot gipasukad sa materyal nga mga butang ug sa susama niini, wala kitay kalainan niadtong karaang mga Israelitas kinsa migamit sa ngalan sa Diyos apan sa pagkatinuod nagsimba sa bulawang baka. Dugang pa, dili anting-anting ang ngalan ni Jehova. Kon atong idispley kini sa titik sa Tetragrammaton o sa modernong titik diha sa atong balay o sa sakyanan nga maglaom nga makapanalipod kini kanato o mohatag kanato ug “maayong suwerte,” unsay atong kalainan batok niadtong matuotuohong mga Hudiyo kinsa milantaw niini ingong simbolo sa madyik?—Exodo 20:7.

Busa, hinungdanon ang atong paglantaw sa ngalan sa Diyos. Ang ngalang Jehova maoy walay kataposang bantayog sa Diyos. (Exodo 3:15) Naglarawan kini sa iyang dili mausab nga mga hiyas ug mga katuyoan. (Deuteronomio 32:3-43) Tugob nga panalanginan ni Jehova kadtong mahadlok kaniya ug magpasidungog sa iyang ngalan. (Malaquias 3:16) Ang bag-ong pulyeto, The Divine Name That Will Endure Forever, uban sa tulokibong diskusyon sa balaang ngalan, sa kahulogan ug sa tukmang paggamit niini, sa pagkamatuod makatabang sa dugang pang libolibo sa pagpasidungog sa ngalan sa ilang Maglalalang, si Jehova.—Pinadayag 4:11.