Alang sa Atong mga Batan-on

Milagro Panahon sa Pentekostes!

Instruksiyon: Himoa kini sa usa ka dapit diin imong masentro ang imong hunahuna sa imong gibasa. Samtang nagbasa ka sa mga teksto, handurawa nga atua ka didto. Palandonga ang esena. Paminawa ang ilang panagsultianay. Ibutang ang imong kaugalingon sa ilang kahimtang. Himoang buhi sa imong hunahuna kining asoya!

ANALISAHA ANG ESENA.—BASAHA ANG BUHAT 2:1-21, 38-41.

Samtang imong basahon ang asoy, unsay imong mahanduraw sa “nagahuros nga makusog nga hangin” ug sa “mga dila nga maorag kalayo”?

․․․․․

Tungod sa kahingangha, unsa kahay nasulti sa mga tawo sa dihang ilang nadunggan ang mga disipulo nga nagsultig lainlaing pinulongan?

․․․․․

Unsa kahay ekspresyon sa nawong sa mga tawong yagayagaon nga gihisgotan sa bersikulo 13?

․․․․․

PAGSUSI PAG DUGANG.

Unsa nga okasyon ang Pentekostes, ug unsa kahay gibati sa mga tawo nga mitambong sa maong okasyon didto sa Jerusalem? (Deuteronomio 16:10-12)

․․․․․

Giunsa pagpakita ni Pedro ang iyang pagtahod sa iyang mamiminaw, ug unsang punto ang iyang gihisgotan nga pamilyar sa iyang mga mamiminaw? (Buhat 2:29)

․․․․․

Sa unsang paagi ang kaisog nga gipakita ni Pedro panahon sa Pentekostes lahi sa iyang gipakita didto sa sawang sa hataas nga saserdote? (Mateo 26:69-75)

․․․․․

IPADAPAT ANG IMONG NAKAT-ONAN. ISULAT ANG IMONG NAKAT-ONAN BAHIN SA . . .

Kon nganong gikinahanglan ang paghisgot ug punto nga pamilyar sa atong mga mamiminaw ug ang pagpakitag pagtahod kanila sa dihang atong ipaambit ang mensahe sa Bibliya.

․․․․․

Imong katakos nga mahimong maisogong Saksi ni Jehova, bisan kon karon tingali mibati kag kaulaw ug kahadlok.

․․․․․

UNSAY GIPABILHAN NIMO PAG-AYO NIINING ASOYA, UG NGANO?

․․․․․

Alang sa dugang impormasyon, tan-awa ang Bantayanang Torre, Septiyembre 15, 1996, panid 8-9.